على خير أشوفك.. كان حنا من الحيّين
على خير أشوفك كان حنا من الحيين”
مصير الليالي تجمع الحي مع حيه
سرى النوم مع مسراك وأحفت دموع العين
كفوف تكفه كفة الشمس للفيه
فمان الكريم ارحل وانا في انتظارك لين
تدور الليالي دورة ترجعك ليّه
لك الله ما عن ناظري غبت لو يومين
كواني فراقك كية فوقها كيه
ولا والله أرخصتك ولا شفت غيرك زين
أنا ادري بحبك لي وأنا صادق النيه
أبا صلك لو تبعد وأنا حافي الرجلين
صريع الغواني لو جحد فيه ماريه
تموت القلوب الخالية بين زين وشين
وتعيش القلوب اللي على الود مبنيه
ترى البعد بعد القلب ما هوب بعد البين
الى صار من ودعك.. ياعدك بالجيه"
-عبدالله السياري
العنوان ذكرني بمقولة سودانية موروثة من والدتي وهي ( الحي يشوف).
مهما غبت ومهما طالت المسافات ما دامنا حيين حنشوف بعض بعون الله وقدرته ومشيئته ان شاء الله من غير شر.